I forrige episode kom Therese over Bår som sat i senga med Mac-en i fanget og googla: How old can you be and still become pregnant? Tanken på eit nytt barn, og på om det er det som skal til for å finna balansen igjen og koma seg vidare, har tatt form. Å prøva å få eit nytt barn peikar inn i framtida, men Therese kjenner seg også som ei trulaus mor som prøver å erstatta Edvin. Therese Tungen og Bår Stenvik mista sonen sin Edvin brått. Han blei nesten sju år gammal. Journalist Kari Hesthamar har i over eit år fått fylgja den vesle familien på Sagene i Oslo, etter at dei blei ramma av det verste ein kan tenke seg – å miste eit barn. «EDVIN» er ein lydserie i 5 delar. Dokumentarserien er produsert av Svarttrost for Aschehoug forlag.