"I eventyret" er første del av det som blir kalla Odin-trilogien i Juvikfolket-serien. Boka handlar om barndomen til han som skal nyreise ætta. Odin har i seg noko av gammalkarane, men har óg eit ope sinn og syner ei eiga evne til å sameine gammalt og nytt.

Serien om Juvikfolket omfattar dei seks bøkene "Juvikingar", "I blinda", "Storbrylloppet", "I eventyret", "I ungdommen" og "I stormen". Romansyklusen skildrar livet til seks, sju generasjonar juvikingar i førre hundreåret og inn i vårt eige. Det er Hildegunn Eggen som har lese inn lydbøkene om Juvikingane.